Please enable / Bitte aktiviere JavaScript!
Veuillez activer / Por favor activa el Javascript!

INSAJDERI: “AKR: Nuk ka një koalicion me PDK-në, do të garojmë vetëm” plus 19 more

loading...

INSAJDERI: “AKR: Nuk ka një koalicion me PDK-në, do të garojmë vetëm” plus 19 more


AKR: Nuk ka një koalicion me PDK-në, do të garojmë vetëm

Posted: 23 Sep 2016 09:41 AM PDT

Përmes një njoftimi për medie, AKR ka bërë të ditura qëndrimet e saj, duke thënë se nuk do të zhvillojë koalicion parazgjedhor me asnjë parti në Kosovë.

 

“AKR sqaron opinionin publik se do te garojë e vetme në zgjedhjet qendrore e komunale dhe asnjëherë nuk do tē bëjë pazare politike në dem të qytetarëve të Kosovës. AKR nuk ka zhvilluar dhe nuk do të zhvillojë asnjëherë diskutime për koalicione parazgjedhore. Çdo tendencë për prezantim ndryshe të realitetit është shpifje dhe manipulim”, tuhet në kumtesën e AKR-së.

Sipas AKR-së, presidenti i kësaj partie Behgjet Pacolli, disa herë e ka bërë të qartë publikisht “se ka vija të kuqe bashkëpunimi me të gjitha subjektet politike, për çfarë do lloj koalicioni parazgjedhor e sidomos me partitë parlamentare të këtij mandati”. /Insajderi.com

 

The post AKR: Nuk ka një koalicion me PDK-në, do të garojmë vetëm appeared first on INSAJDERI.

Hakerët publikojnë pasaportën e skanuar të Michelle Obamës

Posted: 23 Sep 2016 09:31 AM PDT

Skanimi duket se është marrë nga një llogari në Gmail, e cila i përket një punonjësi të Shtëpisë së Bardhë, tha zëdhënësi Josh Earnest.

Informacione të tjera konfidenciale janë publikuar po ashtu online, përfshirë detaje të udhëtimit, emra, numra të sigurimit dhe ditëlindje të stafit.

Shtëpia e Bardhë tha se nuk i ka verifikuar ende dokumentet.

DCLeaks.com, një grup hakerësh, i cili javën e kaluar ka publikuar emaile personale të ish-sekretarit amerikan të Shtetit, Colin Powell, ka marrë përgjegjësinë për sulmin kibernetik.

The post Hakerët publikojnë pasaportën e skanuar të Michelle Obamës appeared first on INSAJDERI.

Lajme të mira për Ermir Lenjanin

Posted: 23 Sep 2016 09:22 AM PDT

Mbrojtësi i kombëtares shqiptare prej disa ndeshjes nuk grumbullohej nga trajneri i skuadrës Gourcouff, madje para pak ditësh, në media u raportua për një gërvishtje të makinës së tij nga tifozët e ekipit francez.

Lenjani nuk ka zhvilluar ende asnjë ndeshje në “Ligue 1” këtë stinor. /Insajderi.com

The post Lajme të mira për Ermir Lenjanin appeared first on INSAJDERI.

Distria Krasniqi e argjendtë në Zagreb

Posted: 23 Sep 2016 09:18 AM PDT

Ajo pësoi në finale nga polakja Karolina Pienkowska.

Pas një lufte të fortë, Krasniqi nuk arriti të triumfoi, andaj u desh të kënaqej me medaljen e argjendtë, njofton Insajderi.

Distria e nisi furishëm garën, duke e mposhtur gjermanen Ines Beischmidt për 3 minuta e 45 sekonda, ndërkaq, për 14 sekonda e deklasoi rumunen Larissa Florian dhe në finale u ndesh me Karolina Pienkowskan. /Insajderi.com

The post Distria Krasniqi e argjendtë në Zagreb appeared first on INSAJDERI.

Opozita kërkon ndryshimin e formatit të dialogut me Serbinë

Posted: 23 Sep 2016 09:16 AM PDT

Kështu thonë disa zyrtarë të partive opozitare në përgjigje të deklaratave të shefes se Zyrës së Bashkimit Evropian në Kosovë, Nataliya Apostolova, e cila, në një takim me zyrtarë të Qeverisë së Kosovës, ka shtruar nevojën e përfshirjes së opozitës në këtë proces.

 

Kosova dhe Serbia kanë filluar dialogun për normalizimin e marrëdhënieve me lehtësim të Bashkimit Evropian që prej vitit 2011 dhe në të paktën dy vitet e fundit asnjë përfaqësues i opozitës nuk është përfshirë në ekipin negociator të Kosovës.

Anëtari i kryesisë së Lëvizjes Vetëvendosje, Zgjim Hyseni, për Radion Evropa e Lirë,ka thënë se në këtë periudhë partia e tij "nuk merr pjesë për të legjitimuar marrëveshjet e dëmshme të arritura në këtë proces".

Ai ka thënë se "Vetëvendosje" nuk është kundër dialogut në parim, por kundër dialogut pa parime.

"Dialogu që po zhvillohet aktualisht është dialog pa parime, që nuk i dihet as fillimi, as fundi dhe as çështjet që do të diskutohen, e aq më pak për ato që nuk jemi në gjendje të flasim.”

“Ajo që kemi nevojë, para se të përfshihet kushdo, është që t'i bëhet një riformatim dialogut, i cili në radhë të parë e ndryshon orientimin dhe platformën e dialogut, duke i ndarë dhe përcaktuar se cilat janë interesat tona në këtë dialog", tha Hyseni.

Edhe anëtari i Kryesisë së Aleancës për Ardhmërinë e Kosovës, Muharrem Nitaj, për Radion Evropa e Lirë ka kujtuar se ky subjekt politik ka qenë pjesë e bisedimeve, por është tërhequr në kohën kur, siç thotë ai, bisedimet e kanë humbur kuptimin dhe janë krejtësisht formale.

Nitaj më tutje ka shtuar se për tema të rëndësishme nacionale, qëndrimi i Aleancës është se duhet qenë pjesë e tyre, por jo në këtë format.

“Po, ajo çka është e rëndësishme, është se ky format i bisedimeve duhet të ndërpritet menjëherë. Duhet të krijohet një platformë tjetër e bisedimeve me Serbinë, që zhvillohet mbi bazën e reciprocitetit dhe aktualisht nuk po ndodh një gjë e tillë. Dhe për qëllim final të ketë njohjen e ndërsjellët ndërmjet Kosovës dhe Serbisë.”

“Në një situatë të tillë mund të jemi edhe pjesë e këtyre bisedimeve, por jo në këtë format si po zhvillohen, pasi ato e kanë humbur kuptimin dhe për më tepër nuk kanë një impakt të përmirësimit të raporteve në terren ndërmjet Kosovës dhe Serbisë", ka thënë Nitaj.

Në anën tjetër, zyrtarë të Qeverisë se Kosovës pohojnë se vazhdimisht kanë qenë të interesuar që në bisedimet që po zhvillohen kohë pas kohe, në mes Prishtinës dhe Beogradit, të përfshihet i gjithë spektri politik i Kosovës.

Zëvendësministri i Punëve të Jashtme në Qeverinë e Kosovës, Valon Murtezaj, ka thënë se kryeministri i Kosovës, Isa Mustafa, i ka bërë thirrje opozitës që të jenë pjesë e procesit, por deri më tani nuk ka pasur ndonjë përgjigjeje pozitive.

"Për çështje të interesit nacional një përfshirje sa më e gjerë e gjithë spektrit politik të Kosovës është e nevojshme dhe e domosdoshme. Kjo do t’i kontribuonte rritjes se diversitetit të pikëpamjeve dhe ekspertizës në të njëjtën kohë.”

“Dhe gjithashtu, të plotësonte një nga kriteret më të rëndësishme të çfarëdo lloji procesi të dialogut, e që është transparenca", ka thënë për Radion Evropa e Lirë, Valon Murtezaj.

Analistë për çështje politike, ndërkaq, pohojnë se partitë opozitare që nga fillimi i procesit është dashur jenë pjesë këtyre bisedimeve.

Imer Mushkolaj, duke folur për Radion Evropa e Lirë, ka thënë se pjesëmarrja e tyre në këto bisedime, do të ishte e domosdoshme, në këtë periudhë, kur dialogu, sipas tij, ka hasur në vështirësi.

Mushkolaj, ndërkaq, shprehet se prania e tyre në bisedime do të evitonte edhe kundërshtimet e opozitës për këtë proces.

"Tash bisedimet kanë hyrë në një qorr- sokak edhe është e nevojshme përfshirja e opozitës. Dhe konsideroj se opozita duhet të përfshihet, por, si kusht themelor do të duhej të ishte ndërrimi i formatit të bisedimeve. Pasi po shihet se formati i deritashëm nuk është i treguar i suksesshëm dhe natyrisht se po ka probleme në zbatimin e marrëveshjes, në zvarritjen që kryesisht që po ndodh nga ana e Beogradit", thotë Mushkolaj.

Dialogu ndërmjet Prishtinës dhe Beogradit, sipas Bashkimit Evropian, ka si qëllim normalizimin e raporteve ndërmjet Kosovës dhe Serbisë, si dhe integrimin e komunitetit serb në kuadër të sistemit ligjor të Kosovës. Ndërkaq, zbatimi i marrëveshjeve dhe obligimeve nga ky dialog, Kosovës dhe Serbisë, u është vënë si kusht në rrugën e tyre drejt integrimeve evropiane. (REL)

The post Opozita kërkon ndryshimin e formatit të dialogut me Serbinë appeared first on INSAJDERI.

Trepça 89′ mposht Lirinë dhe shkon në krye të tabelës

Posted: 23 Sep 2016 09:13 AM PDT

Minatorët e mbyllen ndeshjen e zhvilluar në “Riza Lushta” të Mitrovicës që në pjesën e parë, duke shënuar dy gola ndaj prizrenasve, raporton Gazeta Online Insajderi.

Ishte fillimisht Shpëtim Idrizi që shënoni në minutën e 23-të, ndërsa John e mbylli dilemën e fituesit në minutën e 44-të.

Pas kësaj fitoreje 89-shi është lider me 15 pikë, dy më shumë se Prishtina që është ka 13 pikë dhe luan me Feronikelin të shtunën. /Insajderi.com

The post Trepça 89′ mposht Lirinë dhe shkon në krye të tabelës appeared first on INSAJDERI.

“Vdekja” e gazetës

Posted: 23 Sep 2016 09:02 AM PDT

Sa keq janë gjërat për shtypin?

Shumë keq. Tirazhi i gazetave dhe të ardhurave nga reklamat po bie me shpejtësi marramendëse. "The Sun" në Britani kishte një tirazh prej më shumë se 3 milionë në vitin 2010; në fillim të këtij viti, kishte rënë në 1.7 milionë. "The Daily Telegraph" ra nga 691000 në 488500 gjatë po të njëjtës periudhë; "The Guardian", nga 302000 në 166500. Këtë pranverë, "The Independent" pushoi së ekzistuari si një gazetë e shtypur. Që nga viti 2005, më shumë se 300 gazeta lokale në Britaninë e Madhe janë mbyllur. E njëjta gjë ka ndodhur në pjesën më të madhe të botës perëndimore. Sipas Shoqatës Botërore të Gazetave dhe Botuesve të Lajmeve, gjatë pesë viteve të fundit tirazhi i gazetave ka rënë me 23.9% në Europë dhe 11% në Amerikën e Veriut. (Ndonëse falë rritjes në Indi, Kinë dhe gjetkë, në novel global ai është rritur me 22%: rënia e gazetës së shtypur është problem i Botës së Parë).

Përse po ndodh ko gjë?

Në një fjalë të vetme: prej Internetit. Modeli i vjetër i biznesit për gazetat  ishte "mbulimi i çmimit plus reklamat". Tani që lajmet botohen falas në Internet, shitjet e gazetave janë goditur keq. Reklamat po zhvendosen nga shtypi në internet: Të ardhurat nga reklamat për gazetat e shtypura në Mbretërinë e Bashkuar ranë me 11% në vitin 2015, ose 150 milionë stërlina – më shumë se fatura e pagave të "The Times", "The Sunday Times" dhe "Daily Telegraph" të marra së bashku. Për vite me radhë, gazetat kishin shpresuar të mbërrinin në një pikë kompensimi, ku të ardhurat nga reklamat online do të mbushnin boshllëkun e shkaktuar prej gazetave të shtypura. (bota.al)

Kjo nuk ka ndodhur. Reklamat online nuk sjellin shumë të ardhura – zakonisht më pak se 10% të të ardhurave totale. Për shembull faqja shumë e suksesshme "Mail Online" ka 14 milionë vizitorë në ditë, megjithatë të ardhurat e saj në 2015, afro 73 milionë sterlina, ishin shumë më pak se sa biznesi i gazetës së shtypur të Mail. Një tjetër pionier i gazetarisë digjitale, "The Guardian" ka një prani shumë të madhe online, por nga pikëpamja financiare është në vështirësi – në vitin 2015 pati humbje prej 69 milionë stërlina. Oreksi për lajme është i fortë si gjithmonë – ndoshta edhe më i madh – por gazetat vuajnë për të "monetizuar përmbajtjen".

Përse nuk sjellin të ardhura reklamat online?

Reklamat e klasifikuara ishin dikur një burim i madh të ardhurash për gazetat, por këto janë "gëlltitur" kryesisht prej faqeve të specializuara si AutoTrader, PrimeLocation dhe eBay. Biznesi i reklamave online është i dominuar prej aktorëve të mëdhenj digjitalë, si Google dhe Facebook, që përthithin pjesën më të madhe të shpenzimeve për reklama: Në Britaninë e Madhe, fitimet e Google vitinq ë kaloi ishin 4.92 miliardë stërlina. Ato kontrollojnë mënyrën se si konsumohen pjesa më e madhe e lajmeve – Facebook dhe Google kanë portalet e tyre të lajmeve, ndërkohë që Apple ka një aplikacion të ri – gjë që u jep shumë avantazh. Dhe programet e bllokimit të reklamave online e rrisin vështirësinë për këtë lloj tregu.

Po sikur të kërkohet pagesë për materialet?

Një numër titujsh i ofrojnë materialet e tyre me pagesë, ose kanë adoptuar një sistem ku ofrojnë vetëm disa artikuj falas në muaj. Kjo gjë funksionon për botimet vërtetë cilësore me përmbajtje të specializuar: për shembull, Financial Times kishte 566000 të regjistruar digjitalë në vitin 2015. The Times, The Sunday Times dhe The Daily Telegraph janë gjithashtu me pagesë, dhe duket se kanë sukses – por kjo gjë redukton shumë trafikun në rrjet. Shumë gazetave u është dashur të pranojnë se kjo gjë thjeshtë nuk funksionon. Vitin e kaluar, The Sun i dha fund, pasi kishte tërhequr vetëm 250 000 lexues të regjistruar.

A fitonin ndonjëherë para gazetat?

Disa prej tyre kanë qenë shumë fitimprurëse. Siç thoshte Rupert Murdoch në vitin 2005, ato ofronin "lumenj me flori". Por ndonjëherë, shtoi ai, "lumenjtë thahen". Sipas Financial Times, fitimet e liderëve të tregut – The Daily Telegraph, The Daily Mail dhe The Sun – ranë me 40% në dekadën e fundit. E vërtetë, disa gazeta cilësore kanë vuajtur edhe në të kaluarën, por ato mbështeteshin prej trusteve jofitimprurëse (The Guardian), apo nga grupe të mëdhenj fitimprurës (The Times). Problemi i madh ështëse, mënyra si njerëzit konsumojnë lajmet, ndoshta ka ndryshuar përgjithmonë. (bota.al)

Si ka ndryshuar konsumi i lajmeve

Gazeta tradicionale është enciklopedike: ajo bën bashkë pak nga gjithçka – lajme, komente, sport, kulturë, stil jetese. Por sot, lexuesit online kanë prirjen të kalojnë nga një faqe interneti në tjetrën, duke u fokusuar tek ato që lidhen me interesat e tyre të veçanta – lehtësia e botimit në internet, ka bërë të mundur krijimin e një numëri të madh faqesh të vogla të specializuara. Sipas një studimi të OECD në vitin 2010, leximi online është shumë më "ad hoc, i parregullt dhe sporadik", sidomos mes të rinjve. Kështu që, përpjekja për të përsëritur gazetën e përditshme në internet, mund të jetë e destinuar të dështojë. Në të kundërt, gazetat e fundjavës kanë mbajtur shumë më mirë.

A ka rëndësi rënia e gazetës?

Rënia e të ardhurave nënkupton që ditët e redaksive të mëdha janë të numëruara. Mes viteve 2001 dhe 2010, numri i gazetarëve në Mbretërinë e Bashkuar ra me pothuaj një të tretën. Disiplinat – kontrolli i fakteve, trainimi, akreditimi – që karakterizojnë gazetarinë serioze janë në rrezik. Siç thotë Katharine Viner, Kryeredaktore e The Guardian, "redaksitë janë në rrezik që të humbasin atë që ka më shumë rëndësi në gazetari: zbulimin e atyre gjërave që dikush nuk do që ju ti dini, përmes 'daljes në rrugë', kërkimeve, pyetjeve sfiduese". Ashtu si e sheh ajo, lajmet do të dominohen gjithnjë e më shumë nga artikuj që shërbejnë si "karrem për klikime" – artikuj të ricikluar që janë shkruar që në krye të herës për të tërhequr trafikun në internet, kjo në dëm të debatit demokratik. Do të jetë e vështirë të ruhen investigimet e gjatë dhe të hollësishëm.

A është vërtetë kaq i zymtë horizonti?

Jo. Shumica e gazetave të mëdha janë duke mbijetuar, ndonëse jo duke lulëzuar, dhe ulja e barrierave të futjes në këtë biznes ka sjellë një seri faqesh të reja që kanë ndihmuar për prishjen e monopolit të disa pak organizatave të lajmeve. "Shoqëria nuk ka nevojë për gazeta. Ajo për të cilën kemi nevojë, është gazetaria", argumentonte disa vite më parë guruja i Internetit, Clay SHirky. Por sërish, gazetaria e mirë është e kushtueshme. Ajo për të cilën kemi vërtetë nevojë janë mënyrat për ta financuar. / Përgatiti: www.bota.al

The post "Vdekja" e gazetës appeared first on INSAJDERI.

WhatsApp do të shtojë sigurinë përmes fjalëkalimeve

Posted: 23 Sep 2016 08:53 AM PDT

Disa indikatorë lënë të kuptohet se platforma do të shtojë mbrojtjen me fjalëkalim për aplikacionet mobile.

Ishte Android Authority që zbuloi detajet e reja përmes programit të përkthimit të WhatsApp. Ky program shfaqi disa fraza të reja për përkthim nga anglishtja në gjermanisht dhe ato ishin:

"Vendosni fjalëkalimin aktual 6 shifror," "Fjalëkalimet nuk përputhen, Provoni përsëri," dhe "Vendosni një adresë e-mail-i rikuperimi."

Bazuar në këto të dhëna ekziston një mundësi e madhe që WhatsApp, në përditësimin e radhës ose në të ardhmen, të shtojë veçorinë e mbrojtjes së aplikacionit me fjalëkalim. Megjithatë ky nivel i ri sigurie është një ide shumë e mirë sidomos pas implementimit të enkriptimit fundor. /PCWorld.al

The post WhatsApp do të shtojë sigurinë përmes fjalëkalimeve appeared first on INSAJDERI.

Cadillac rikthen modelin XLR me ndryshime të mëdha

Posted: 23 Sep 2016 08:51 AM PDT

XLR jo vetëm që nuk është shitur, por ka marrë kritika të llojeve të ndryshme, transmeton Telegrafi. Tani, Cadillac pritet ta rikthej pikërisht këtë model, mirëpo me shumë ndryshime.

Linjat e pjesës së jashtme, duke filluar nga grilli, kapaku dhe panelet anësorë si dhe pjesa e pasme, do të kenë një pamje tjetër. Enterieri do të jetë më i gjerë, ndërsa niveli i luksit dhe i komoditeti shumë më i lartë.

Makina që nuk dihet se kur do të lansohet, do të ketë edhe fuqi shumë më të madhe, ndërsa shpenzim relativisht më të vogël.

Sipas medieve që merren me automobilizëm, Cadillac nuk do ta bëjë gabimin e njëjtë dhe do të sjellë një super-makinë kësaj radhe.

medha

medha2

The post Cadillac rikthen modelin XLR me ndryshime të mëdha appeared first on INSAJDERI.

Shitjet e Galaxy Note 7 në Europë rifillojnë në nëntor

Posted: 23 Sep 2016 08:48 AM PDT

Modeli Europian i telefonit pritet të hidhet në treg në javët e fundit të 2016-tës me mundësi shtyrjeje në 2017-tën nxitur nga problemet me bateritë defektive tha një drejtues i lartë ditën e enjte, njofton pcworld.al.

"Shpresojmë se shitjet e Galaxy Note 7-tës të rifillojnë në Europë përpara fundit të Nëntor," tha David Lowes shef i marketingut pranë Samsung për Europën. Më 28 Shtator do të rifillojnë shitjet e modeleve të para në Korenë e Jugut ndjekur nga Australia dhe Singapori në Tetor.

"Jemi të bindur se mund të rifitojmë çdo gjë të humbur ndërsa përgatitemi të largohemi nga 2016-ta për një 2017 të fuqishme," tha Lowes për agjensinë e lajmeve Reuters. Një pjesë e madhe e telefonëve me defekt u shitën në Britani, Gjermani dhe Francë.

Megjithatë sa më e gjatë pritja aq më i madh zhgënjimi i konsumatorëve në Europë të cilët përjetuan vonesa të ngjashme edhe modelin e vitit të kaluar, Galaxy Note 5, edhe pse mungonin problemet e këtij viti.

Samsung ka premtuar se nuk do të fillojë shitjen e modeleve të reja pa tërhequr të gjitha ato që janë në treg. Parashikimet citojnë 2.5 milion njësi që duhet të zëvendësohen me kosto 1 miliard dollar.

The post Shitjet e Galaxy Note 7 në Europë rifillojnë në nëntor appeared first on INSAJDERI.

Mustafa në New York: Kosova garanton të drejtat e komunitetit LGBTI

Posted: 23 Sep 2016 08:44 AM PDT

Zyra për media njofton se gjatë ditës, kryeministri Isa Mustafa, ka takuar presidentin e Naurusë, Baron Waqa, të cilin e ka falënderuar për përkrahjen e deritashme, duke kërkuar mbështetje të mëtejme për njohje të reja dhe anëtarësimin e Kosovës në organizata ndërkombëtare.

Kryeministri Mustafa, po ashtu, mori pjesë në nënshkrimin e marrëveshjes për vendosjen e marrëdhënieve diplomatike ndërmjet Kosovës dhe Gambisë, e nënshkruar nga ministri i Jashtëm i Kosovës, Enver Hoxhaj dhe ministrja e Jashtme e Gambias, Neneh MacDouall-Gaye.

Gjatë një takimi me sekretaren të përgjithshme të Frankofonisë, Michaelle Jean, kryeministri Mustafa kërkoi përkrahjen e Frankofonisë për Kosovën në fuqizimin e subjektivitetit ndërkombëtar dhe për procese tjera zhvillimore.

Kryeministri Mustafa u takua edhe me të dërguarin e posaçëm të SHBA-ve për të drejtat njerëzore të personave LGBTI, Randy W. Berry, ku u theksua përkushtimi i Republikës së Kosovës për garantimin e të drejtave të të gjithë njerëzve pa asnjë dallim.

Ai ka mbajtur edhe një ligjëratë në Universitetin prestigjioz St.John's, ku para shumë studentëve dhe profesorëve ka folur për Kosovën, të kaluarën e saj, zhvillimet e fundit si dhe për progresin e gjithanshëm që po arrihet në Republikën e Kosovës.

Mustafa ka diskutuar dhe është përgjigjur në interesimet e shumë pjesëmarrësve, duke sqaruar proceset kryesore që lidhen me marrëdhëniet ndërkombëtare të Kosovës, zhvillimin ekonomik, integrimet euroatlantike e shumë procese të tjera.

The post Mustafa në New York: Kosova garanton të drejtat e komunitetit LGBTI appeared first on INSAJDERI.

Vendkalimet shumëngjyrëshe në Madrid

Posted: 23 Sep 2016 08:28 AM PDT

Për art por edhe për siguri, vendkalimet në kryeqytetin e Spanjës, Madrid, kanë marrë formë të re.  Ato janë ngjyrosur me ngjyra ndërsa kjo ka tërhequr vëmendjen dhe të medieve.

The Mind Circle sjell një koleksion me vendkalime që nu mund t'i emërtojmë "zebra" më./Insajderi.com

funnycross_07

funnycross_10

funnycross_01

funnycross_02

funnycross_05

funnycross_09

The post Vendkalimet shumëngjyrëshe në Madrid appeared first on INSAJDERI.

Ahmeti bën gati padinë e tretë për shpifje ndaj LDK-së

Posted: 23 Sep 2016 08:20 AM PDT

LDK përmes një kumtese për medie fajësoi kryetarin e Prishtinës për dëbimin e familjeve nga lagja “Dardania”, prona të cilat konsiderohen si të uzurpuara nga Ndërmarrja Publike Banesore.

"Ky rast paraqet keqtrajtim të banorëve dhe familjeve të tyre. Dega IV e LDK Prishtinë, vlerëson se përgjegjësia politike, morale dhe profesionale, para së gjithash bie mbi Kryetarin e Komunës, z. Shpend Ahmeti", është thënë në komunikatën e LDK-së.

Lidhur me këtë deklaratë i menjëhershëm ka qenë edhe reagimi i Ahmetit, i cili ka thënë se do të ngre padinë e tretë për shpifje ndaj LDK-së.

“Të hënën kjo do të jetë padia e tretë me radhë për shpifje”, u shpreh i pari i Prishtinës, raporton Gazeta Online Insajderi.

Ahmeti shpjegon se nuk ka marrë asnjë vendim për dëbimin e këtyre banorëve nga pronat e uzurpuara në lagjen “Dardania” në Prishtinë.

“Është interesant kjo puna e LDK-së Prishtinë. Në vitin 2005 nën qeverisjen e LDK, Ndermarrja Publike Banesore bën padi për këto banesa, në vitin 2008 Gjykata merr vendim, tash Gjykata zbaton vendimin, ndërsa Shpend Ahmeti fajin”, ka thënë Ahmeti. /Insajderi.com

The post Ahmeti bën gati padinë e tretë për shpifje ndaj LDK-së appeared first on INSAJDERI.

Shqiptari lë “pezull” zvicëranët, thotë se mund ta zgjedhë Kosovën

Posted: 23 Sep 2016 08:07 AM PDT

Mbrojtësi që aktivizohet në Bundesligën gjermane me Ingolstadt, Florent Hadergjonaj si duket ende nuk është bindur nga Albert Bunjaki që t'i bashkohet Kosovës.

Në një prononcim për Blick, djaloshi nga Deçani ka pranuar se ka pasur kontakte me Kosovën, por ende nuk ka vendosur përfundimisht nëse do t'i bashkohet ekipit të Albert Bunjakit.

"Sigurisht që kam pasur kontakte me Kosovën për të luajtur për ta dhe kjo gjë më nderon mua. Kam komunikuar në mënyrë të qartë me ta dhe i kam treguar se momentalisht jam i fokusuar vetëm tek klubi im", deklaroi Hadergjonaj për 'Blick'.

"Në një të ardhme të afërt do ta mësoni të gjithë se në cilën përfaqësuese do të luaj. Çdo gjë tjetër është e trilluar", tha Hadergjonaj i cili e la të hapur derën për t'iu bashkuar Kosovës.

21-vjeçari ka të drejtë të luaj edhe dy ndeshje me Zvicrën U21 pastaj të zgjedhë se me cilën përfaqësuese A të luajë. Përveç Zvicrës, Hadergjonaj mund të zgjedh nëse do t'i bashkohet Kosovës apo Shqipërisë. /Insajderi.com

The post Shqiptari lë “pezull” zvicëranët, thotë se mund ta zgjedhë Kosovën appeared first on INSAJDERI.

Hakeri kosovar që ndihmoi ISIS-in dënohet 20 vjet burg

Posted: 23 Sep 2016 08:06 AM PDT

25-vjeçari i lindur në Kosovë, ishte arrestuar vitin e kaluar në Malajzi, derisa të premten Gjykata e Virgjinias në Amerikë e ka dënuar me 20 vjet burg, raporton Associated Press, njofton Insajderi.

Ai u bë personi i parë në Amerikë që u dënua për të dyja akuzat – hakim të kompjuterëve dhe për terrorizëm.

Ferizi e hakoi një kompani private dhe i nxori emrat, fjalëkalimet e e-maileve dhe numrat e telefonit të më shumë se 1.300 njerëzve të qeverisë dhe ushtrisë amerikane. Më pas shteti Islamik i kishte publikuar këta emra në internet. /Insajderi.com

The post Hakeri kosovar që ndihmoi ISIS-in dënohet 20 vjet burg appeared first on INSAJDERI.

Vuçiq në fjalimin e tij në OKB: Serbia është shtyllë e stabilitetit në Ballkan

Posted: 23 Sep 2016 07:40 AM PDT

Vuçiq garantoi para Asamblesë së Përgjithshme të Organizatës së Kombeve të Bashkuara se Serbia do të vazhdojë të jetë ruajtës i paqes në rajon edhe për dekadat e ardhshme, shkruan B92, raporton Insajderi.

Kryeministri serb deklaroi se në disa vende të Ballkanit Perëndimor ka edhe më shumë urrejtje se në vitet e mëparshme, por ai tha se Serbia ka arritur të ruajë paqen dhe do të vazhdojë të bëjë kështu.

Ai tha se “Serbia është shtyllë e stabilitetit në Ballkan”. Në fjalimin e tij para Asamblesë së Përgjithshme të OKB-së, Vuçiq shprehu gatishmërinë e tij që të vazhdojnë bisedimet me shqiptarët e Kosovës.

Në të njëjtën kohë, kryeministri serb falënderoi të gjitha shtetet që nuk e kanë njohur pavarësinë e Kosovës, të cilën ai e quajti "të njëanshme dhe në kundërshtim me ligjet ndërkombëtare." /Insajderi.com

The post Vuçiq në fjalimin e tij në OKB: Serbia është shtyllë e stabilitetit në Ballkan appeared first on INSAJDERI.

Mësohet vendi ku do zhvillohet ndeshja Ukrainë-Kosovë

Posted: 23 Sep 2016 07:37 AM PDT

Sipas Federatës së Futbollit të Ukrainës, të hënën do të vendosin për njërin nga stadiumet në Krakovia: Stadiumi i klubit Krakovia, ose ai i Wislas.

Stadiumi i Krakovias zë 15.500 shikues, kurse ai i Wislas, 45 mijë shikues, shkruajnë mediet ukrainase, raporton Insajderi.

Ndeshja në fjalë luhet më 9 tetor për kualifikueset e Botërorit "Rusia 2018". /Insajderi.com

The post Mësohet vendi ku do zhvillohet ndeshja Ukrainë-Kosovë appeared first on INSAJDERI.

LDK fajëson Shpend Ahmetin për dëbimin e familjeve nga “Dardania”

Posted: 23 Sep 2016 07:24 AM PDT

Përmes një komunikate për media, LDK ka thënë se për këtë përgjegjësia duhet të bie mbi kreun e Komunës së Prishtinës, Shpend Ahmetin, i cili sipas LDK-së, me këtë veprim “ka shpërfaqur mentalitetin keq-qeverisës të tij”.

"Lidhja Demokratike, Dega IV Prishtinë, shpreh shqetësimin e thellë për dëbimin me forcë të familjeve nga kompleksi i banesave në Dardani. Ky rast paraqet keqtrajtim të banorëve dhe familjeve të tyre. Dega IV e LDK Prishtinë, vlerëson se përgjegjësia politike, morale dhe profesionale, para së gjithash bie mbi Kryetarin e Komunës, z. Shpend Ahmeti", thuhet në komunikatë.

Sipas LDK-së, qeverisja nga Ahmeti është e bazuar në politizim dhe polarizim të hapësirës publike, raporton Insajderi.

"Tashmë secilit që njeh Prishtinën dhe qeverisjen me të, i është bërë krejtësisht e qartë, që ky mentalitet keq-qeverisës, burimin e legjitimitetit, apo përkrahjes, edhe ashtu të copëtuar politike, e bazon në politizimin dhe polarizimin e hapësirës publike, përmes instalimit të krizave publike, politike, e qytetare, të cilave po i ekspozohemi nga dita në ditë, në vazhdimësi. Sidoqoftë, në këtë rast, politizimi dhe polarizimi i kësaj hapësire, pothuaj ka tejkaluar të gjithë kufijtë dhe fatkeqësisht ka shkelur mbi dinjitetin dhe mirëqenien e banorëve në fjalë", thuhet tutje në komunikatë.

Aty thuhet se dega e IV e LDK Prishtinë, vlerëson se anulimi i dëbimit me forcë, përmes vazhdimit të lejimit të qëndrimit të banorëve, tregon se dëbimi ishte një veprim i pamatur dhe i nxituar, i cili nuk do të korrigjohej sikur mos të përballej më rezistencë dhe refuzim qytetar, publik dhe politik. Thjeshtë, dëbimi nuk do të duhej të ndodhte.

LDK ka thënë se Ahmeti i ikë komunikimit të drejtpërdrejtë me publikun dhe se i fyen banorët duke i quajtur uzurpatorë.

"Dega e IV e LDK Prishtinë, vlerëson se ky rast është dashtë të menaxhohet ndryshe, dhe se ka pasur dhe ka hapësire për zgjidhje të përhershme, duke përfshirë këtu edhe mundësitë e ofrimit të strehimit social për familjet në nevojë. Është paradoksale, që Kryetari aktual, përkrahjen e tij politike dhe qytetare për të ardhur si i pari i komunës, e ka ndërtuar mbi një program social, me fokus përkrahjen e familjeve përmes strehimit dhe lehtësirave tjera. Dega IV e LDK fton Kryetarin Ahmeti, që në ushtrimin e pjesës së mbetur të mandatit, së paku të tregojë respekt dhe maturi, t'i shmanget qasjes arbitrare dhe të realizoj premtimet ndaj qytetarëve, me theks të atyre me karakter social", përfundon komunikata. /Insajderi.com

The post LDK fajëson Shpend Ahmetin për dëbimin e familjeve nga “Dardania” appeared first on INSAJDERI.

Libri autobiografik i Mourinhos zbulon urrejten e madhe mes tij dhe Wenger-it

Posted: 23 Sep 2016 07:14 AM PDT

Në janar të 2014 Chelsea ishte gati për të shitur Juan Mata te Manchester United. Arsenalit që i duhej të përballej me Djajtë e Kuq, nuk i shkonte për shtat dicka e tillë dhe Arsene Wenger e akuzoi Mourinhon se kishte frikë.

Përgjigja e "Special One" u bë e famshme me portugezin që e etiketoi Wenger "një specialist të dështimeve', por në një libër autbiografik të Mourinhos. të shklruar nga gazetari Rob Beasley, zbulohet një tjetër frazë e Mourinhos ndaj Wenger, shumë më e rëndë.

Sipas tij Mourinho ka thënë: Kur Wenger kritikon Chelsean dhe Manchester United për akordin mbi Matën.. epo një ditë do ta takoj Wenger jashtë fushave të lojës dhe do ti thyej turinjtë".

Është kjo fraza që Besley pretendon se ka thënë Mourinho. Hakmarrjen gjithsesi "Special One" e mori pak më vonë në fushë, në 22 mars të 2014 Wenger luante ndeshjen e tij të 1000 si trajner dhe në atë takim Chelsea gjunjëzoi Arsenalin me rezultatin e turpshëm 6-0. Ishte në një farë mënyrë një grusht në fytyrë.

Historia gjithsesi nuk mbaroi aty, pasi ndeshja e 5 tetorit 2014 e fituar 2-0 nga blutë u bë e famshme për zënkën mes Mourinhos dhe Wenger që ishin gati të përdornin duart kundër njëri-tjetrit.

I njëti gazetar në librin e tij pjesë të të cilit janë publikuar nga Daily Mail pretendon se për atë episod Mourinho paska thënë, "Wenger kërkonte përjashtimin e një lojtari dhe po bënte presion ndaj arbitrit në zonën time teknike, kështu unë i thashë që të kthehej te zona e tij, më shtyu dhe unë e shtyva dhe i thashë: Bën kështu pasi e di që këtu nuk mund të reagoj, por një ditë, herët a vonë do të takohemi në rrugë". /Insajderi.com

The post Libri autobiografik i Mourinhos zbulon urrejten e madhe mes tij dhe Wenger-it appeared first on INSAJDERI.

Pesë vite burgim për terrorizëm për anëtarin e LISBA-s

Posted: 23 Sep 2016 06:57 AM PDT

Gjykata Themelore në Ferizaj ka dënuar me pesë vite burgim Musa Ademin, i cili akuzohet për nxitjen e të rinjve për t'iu bashkuar luftës në Siri.

Ademi është anëtar i Lëvizjes Islame Basko – LISBA, e cila drejtohet nga Fuad Ramiqi, i cili poashtu është nën akuzë.

Sipas gjykatës, Ademi duke filluar nga gushti i vitit 2013 në Kosovë, vazhdimisht u ka bërë thirrje personave të tjerë për pjesëmarrje në aktivitetet e organizatës së quajtur ISIS.

"Ai ka bërë propagandë intensive, verbale si dhe përmes rrjeteve sociale, përmes të cilave ka dërguar informata dhe fotografi lidhur me aktivitet terroriste të kësaj organizate, e njëkohësisht prej burimeve të ndryshme ka siguruar fonde të ndryshme materiale duke blerë biletat e aeroplanit te nxjerra në një agjenci,  për linjën Prishtine -Stamboll,  dhe atë gjatë muajit gusht 2013 për personat  B.H dhe F.I të cilët në të njëjtën date kanë udhëtuar nga aeroporti i Prishtinës  për në Stamboll, e pastaj u janë bashkuar organizatës terroriste ISIS, në Siri", njofton gjykata.

Personi që ai kishte ndihmuar, B.H, më 25 mars të vitit 2014 ka kryer akt vetëvrasës terrorist në shtetin e Irakut duke vrare veten dhe 52 persona të tjerë, thuhet në njoftimin e gjykatës.

 

The post Pesë vite burgim për terrorizëm për anëtarin e LISBA-s appeared first on INSAJDERI.

Related Posts :